မုံရွာစီးပွားရေးတက္ကသိုလ် ကချင်ပြည်နယ်မိသားစု

Saturday, December 31, 2011

ပက်ထရစ်ရှာ နှင့် လတ်တလော စိတ်ကြိုက်ဖက်ရှင်

e4384

ခရစမတ်နှင့် နယူးရီးယား အချိန်ကာလသို့ ရောက်ရှိခဲ့ပေပြီ။ ဆောင်းရာသီ၏ အေးမြမှုတို့နှင့်အတူ ပျော်ရွှင်ဖွယ်အချိန်အခါ၊ အားလပ်ရက် အချိန်အခါ၊ ပွဲလမ်းသဘင်များပြားသည့် အချိန်အခါ ဖြစ်သောကြောင့် စိတ်နှလုံး အေးချမ်းသာယာမှုတို့နှင့် ပြည့်နေသည့် အချိန်အခါလည်း ဖြစ်ပေမည်။ ယခုတစ်ပတ် ဖက်ရှင်ကဏ္ဍအတွက် လည်း ဆယ်ကျော်သက် မော်ဒယ်လ်ပက်ထရစ်ရှာက ဆောင်းရာသီ ဖက်ရှင်စိတ်ကူးများကို Junction မော်တင်၏ခ ရစ္စမတ်အပြင်အဆင်များ နောက်ခံထား၍ ပါဝင်ပေးခဲ့သည်။

“ပက်ထရစ်ရှာ ဒီကဏ္ဍအတွက် ဆောင်းရာသီဖက်ရှင်လေးနဲ့ ပါဝင်ဖြစ်ပါတယ်။ အဖြူနဲ့အနီရောထားတဲ့ အနွေးထည်ဒီဇိုင်းလေးက ဆောင်းရာသီနဲ့ လိုက်ဖက်သလို ခရစ္စမတ်အချိန်နဲ့လည်း လိုက်တယ်လေ။ ဒါကြောင့် ဒီဂါဝန်အတိုလေးကို ရွေးပြီးဝတ်ဖြစ်တာပါ။ ဂါဝန် အတိုလေးရဲ့ဒီဇိုင်းကို ဆန်းသွားအောင် ခြေသလုံးထိရှိတဲ့ ခြေအိတ် အမည်းလေး ၀တ်ဖြစ်ပါတယ်။ ဖိနပ်ကတော့ အသားရောင်ရှူးဖိနပ် အမြင့်လေးစီးထားပါတယ်။ ဒီဝတ်စုံဒီဇိုင်းလေးက ကိုရီးယား ကောင်မလေးတွေဝတ်တဲ့ ဆောင်းရာသီဖက်ရှင်ဒီဇိုင်းလေးပါ။ အခုရန်ကုန်မှာလည်း နည်းနည်းအေးနေတဲ့အချိန်ဆိုတော့ ဒီဖက်ရှင်လေး ရွေးဖြစ်သွားတာ။ ဒီဝတ်စုံလေးအတွက် မိတ်ကပ်ကို ပန်းရောင်များများလေးပဲ ပြင်ထားပြီး ဆံပင်ကို အခွေအလိပ်လေးတွေ ချထားပါတယ်။ accessories တွေတော့ဘာမှ အထွေအထူးဝတ်မထားပါဘူး။ သူ့ဝတ်စုံဒီဇိုင်း ကိုက ခပ်ရှုပ်ရှုပ်လေးဖြစ်နေတဲ့အတွက် accessories တွေဝတ်စရာမလိုဘူးလို့ ထင်တယ်လေ။

ဒုတိယ၀တ်စုံလေးကလည်း ဆောင်းရာသီ ဖက်ရှင်ဒီဇိုင်းလေးပါပဲ။ အမည်းရောင် ကြိုးတစ်လုံးအင်္ကျီပေါ်က ခဲရောင်ပြောက်ကျား အနွေးထည်လေး ထပ်ဝတ်ထားပါတယ်။ အနွေးထည်လေးရဲ့လည်ပင်းမှာက မွှေးပွလေးတွေ ထည့်ထားတာကြောင့် ဖက်ရှင်ပိုကျသွားတယ်လေ။ အောက်က စကပ်ကတော့ ခဲရောင်အထပ်ထပ်လေးတွေပါတဲ့ စကပ်တိုလေး ၀တ်ဖြစ်ပါတယ်။ ခြေအိတ်အဖြူအတိုလေး ၀တ်ထားပြီး ခဲရောင် လည်သာရှူးဖိနပ် အရှည်လေးစီးထားပါတယ်။ ဒီဝတ်စုံဖက်ရှင်က ဂျပန် မှာ ခေတ်စားတဲ့ ဖက်ရှင်ပုံစံမျိုးလေးပါ။ ပက်ထရစ်ရှာက ဂျပန်က ဖက်ရှင်ဒီဇိုင်းလေးတွေ အရမ်းသဘောကျတော့ အမြဲကြည့်ဖြစ်တယ်။ ဒါကြောင့် ဒီဖက်ရှင်ဒီဇိုင်းမျိုးလေး ရွေးဝတ်ဖြစ်တာပါ။ ဒီဝတ်စုံ အတွက် မိတ်ကပ်ကိုတော့ ပန်းရောင်များများလေးပဲ လိမ်းထားပြီး ဆံပင်ကိုတော့ပုံစံပြောင်း သွားအောင်ခေါက်ပြီး နှစ်ဖက်ခွဲစီးထားပါတယ်” ဟု ပက်ထရစ်ရှာက ရှင်းပြခဲ့သည်။

ပက်ထရစ်ရှာက ဖက်ရှင်စိတ်ကူးများနှင့် ပတ်သက်၍လည်း “ပက်ထရစ်ရှာကဖက်ရှင်ကို အရမ်းဝါသနာပါတယ်။ ငယ်ငယ်ကတည်းကလည်း ဖက်ရှင်နဲ့ပတ်သက်တဲ့ ကက်တလောက် တွေ၊ channel တွေကြည့်ဖြစ်တယ်။ အထူးသဖြင့်တော့ ဂျပန်ဖက်ရှင်ဒီဇိုင်းတွေကို အရမ်းကြိုက်တယ်။ အခု မော်ဒယ်လ်လုပ်ဖြစ်တော့လည်း ကိုယ်ဝတ်မယ့် ဖက်ရှင်ဒီဇိုင်းကို ကိုယ့်ဘာသာပဲ ရွေးချယ်ဖြစ်တာ များပါတယ်။ လောလောဆယ်က ကျောင်းတက်နေတုန်းပဲဆိုတော့ ကြော်ငြာတွေပဲ လက်ခံရိုက်ကူးဖြစ်မှာပါ။ ဇာတ်ကားရိုက်ဖို့တော့ လက်မခံဖြစ်သေးပါဘူး။ ကြော်ငြာတွေအတွက် ဖက်ရှင်ကိုလည်း ကိုယ်တိုင်ပဲ ရွေးချယ်ဖြစ်ပါတယ်”ဟု ဆက်လက်ပြောပြ သွားခဲ့သည်။

Target ကြော်ငြာတွင် သရုပ်ဆောင်နေတိုးနှင့် အတူတွဲဖက် သရုပ်ဆောင်ထားပြီး Follow me ၊ Doaru မိတ်ကပ်စသည့် ကြော်ငြာများ ရိုက်ကူးထားသည့် ဆယ်ကျော်သက် မော်ဒယ်လ် ပက်ထရစ်ရှာ ရွေးချယ်ပေးခဲ့သည့် စိတ်ကြိုက်ဖက်ရှင်ကို ယခုတစ်ပတ်အတွက် တင်ပြပေးရင်း နောက်တစ်ပတ်၏ ဖက်ရှင်ကဏ္ဍကို စောင့်မျှော်ပါဟု . . .

No comments:

Post a Comment