နယ်သာလန် သုတေသီ တစ်စုသည် အဆိုပါ ကျွန်းတွင် လေ့လာရေး သွားရောက်စဉ် ညဘက်၌ သီးခြားပွင့်သော သစ်ခွပန်းကို တွေ့ရှိခဲ့ခြင်းဖြစ်ကြောင်း သစ်ခွကျွမ်းကျင်သူ အန်ဒရီ ရှူတီမန်က ပြောကြားခဲ့သည်။ “တကယ့်ကို မှတ်မှတ်ထင်ထင် တွေ့ရှိမှု တစ်ခုပါပဲ။ သစ်ခွ သုတေသန လုပ်ငန်းအတွက်တော့ ဒါဟာ အံ့ဩစရာ ဖြစ်စဉ်တစ်ခုပါ”ဟု ၎င်းက ဆိုသည်။
ညဘက်တွင် အဆိုပါပန်း၏ အဖူးငုံသည် အလိုအလျောက် ပြန့်ကားလာကာ (၂)စင်တီမီတမျှရှိသော ပန်းပွင့်ကို ဖြစ်ပေါ်လာစေသည်။ အမှောင်ထု ကြီးစိုးပြီး နာရီအနည်းငယ်တွင် ပွင့်သောပန်းသည် နောက်တစ်နေ့ နေရောင်ထွက်ပေါ်လာပြီး နာရီအနည်းငယ်ထိ ပွင့်လန်းနေဆဲဖြစ်သည်။ သုတေသီ တစ်ဦးဖြစ်သော ဒေါက်တာဗွန်ဂေါက ယင်းပန်းသည် တစ်ညသာပွင့်ပြီး နောက်နေ့တွင် ညှိုးရော်ခြောက်သွေ့သွားကြောင်း ရှင်းပြခဲ့သည်။ အဆိုပါ မျိုးစိတ်သည် သစ်ခွမျိုးကွဲများအနက် အရေအတွက် အများဆုံးဖြစ်သည့် Bulbophylumမျိုးနွယ်မှဖြစ်ပြီး ယင်းမျိုးနွယ်တွင် သစ်ခွအမျိုးပေါင်း (၂၀၀၀)ကျော် စုစည်းပါဝင်ကြောင်း သိရှိရသည်။
No comments:
Post a Comment