မုံရွာစီးပွားရေးတက္ကသိုလ် ကချင်ပြည်နယ်မိသားစု

Saturday, December 31, 2011

ရန်ကုန်ပေါက်ကွဲမှုမှာ အက်ဆစ်ကန်နှင့် ယမ်းစိမ်းများကြောင့်ဟုဆို

ရန်ကုန်တစ်မြို့လုံးနီးပါး ကြားသိခဲ့ရသည့် ခြောက်ခြားဖွယ် မြည်ဟည်းပေါက်ကွဲမှု၏ အဓိက အကြောင်းအရင်းမှာ ဂိုထောင်အတွင်း သိုလှောင်ထားသည့် ဆာလ်လဖြူရစ်အက်ဆစ်ကန်နှင့် ယမ်းစိမ်းများပေါက်ကွဲခြင်းကြောင့်ဖြစ်ကြောင်း အခင်းဖြစ်ပွားရာ နေရာတွင်ရောက်ရှိနေသည့် မီးသတ်ဦးစီးဌာနမှ တာဝန်ရှိသူတစ်ဦးက အတည်ပြုပြောကြားသည်။



(ပေါက်ကွဲမှုမဖြစ်ခင် သွားရောက်မီးငြှိမ်းသတ်ခဲ့သည့် တာမွေမြို့နယ်မှ မီးသတ်ယာဉ် ပျက်စီးလောင်ကျွမ်းနေမှုအားတွေ့ရစဉ်)

ပေါက်ကွဲမှူကြောင့် အခင်းဖြစ်ပွားရာနေရာတွင် တာဝန်ကျမီးသတ်ဝန်ထမ်း ၅ ဦးပွဲခြင်းပြီး သေဆုံးခဲ့ပြီး သေဆုံးသူမီးသတ်ဝန်ထမ်းများမှာ တပ်သား မျိုးကျော်ကျော်၊ တပ်သားအောင်အောင် ၊တပ်သားသော်ဇင်မျိုးထက်၊ တပ်ကြပ်ပြည်ဇော်ထွေးနှင့် တပ်ကြပ်တင်စိုးတို့ဖြစ်ကြောင်း မီးသတ်အရာရှိတစ်ဦးက 7day news သို့ပြောသည်။



(ရန်ကုန်တစ်မြို့လုံးတုန်ဟီးအောင် ပေါက်ကွဲခဲ့သည့် အက်ဆစ်ကန်နေရာကို တွေ့ရစဉ်၊

ပေါက်ကွဲမှုကြောင့် မြေတွင်းကြီးမှာ ၁၀ ပေခန့်အနက်ရှိသည်။ ထိုကျင်းအနီးတစ်ဝိုက်ရှိ(ပေ ၅၀၀ခန့်အတွင်းရှိ)

အဆောက်အအုံအားလုံးနီးပါးမှာလည်း မုန်တိုင်းတိုက်ခတ်ခံရသည့်အလား ပြိုကျပျက်စီးနေသည်ကိုတွေ့ရသည်)


၇ နာရီ ၄၈ မိနစ်

မီးသတ်ဦးစီးဌာနမှ နောက်ဆုံးရရှိသော သတင်းများအရ သေဆုံးသူအားလုံးမှာ ၁၇ဦး ရှိသွားပြီဖြစ်ပြီး ထိုအထဲတွင် မီးသတ်တပ်ဖွဲ့ဝင် ၅ဦးပါဝင်ပြီး ယင်းတို့မှာ တာမွေမီးသတ်မှဖြစ်ကြောင်း ရန်ကုန်တိုင်းမီးသတ်ဦးစီးဌာနမှ အတည်ပြုပြောကြားသည်။ “တာမွေမီးသတ်က အနီးဆုံးဆိုတော့ အစောကြီးရောက်ပြီး အနီးကပ်ကပ်ချတဲ့အခါမှာ အထိများသွားတာပါ”ဟု ရန်ကုန်တိုင်းမီးသတ်ဦးစီးဌာနမှ တာဝန်ရှိသူတစ်ဦးကပြောသည်။ ယခုအခါ မီးလောင်မှု့မှာ နံနက် ၆နာရီ ၅မိနစ်တွင် လုံးဝငြိမ်းသတ်သွားပြီ ဖြစ်သည်။



(မီးလောင်ပေါက်ကွဲခဲ့သော အက်ဆစ်ကန် ဘေးမှ မီးကြွင်းမီးကျန်များကို ငြိမ်သတ်နေစဉ်)

မီးလောင်မှု့ကြောင့် ဂိုထောင်၆လုံး၊ စက်ရုံများနှင့် အနီးကပ်ဆုံးရပ်ကွက်ဖြစ်သော ကူးတို့ဆိပ်ရပ်ကွက်မှ နေအိမ် ၇၆လုံး၊ အာရုဏ်ဦးရပ်ကွက်မှ နေအိမ် ၁၈လုံး၊ အလုပ်သမားတန်းလျား၂ခု၊ ဘုန်းကြီးကျောင်း၂ကျောင်း၊ ပြည်ခိုင်ဖြိုးပါတီမှ ဖြိုးစေတနာဆေးခန်း၊ ဓမ္မာရုံတစ်ခုတို့ ပျက်စီးဆုံးရှုံးခဲ့ကြောင်း ရန်ကုန်တိုင်းမီးသတ်ဦးစီးဌာနမှ သိရသည်။ နောက်ဆုံး စာရင်းအရ ဒဏ်ရာရရှိသူ ကျား( ၆၂ )ဦး၊ မ( ၁၆)ဦး ရှိပြီး သေဆုံးသူဦးရေ ကျား( ၁၂) ဦး မ (၅)ဦးနှင့် မီးသတ်ဌာနမှ ၅ ဦးအပါအ၀င်စုစုပေါင်း ၂၂ ရှိပြီဖြစ်သည်။ ယနေ့နံနက်အစောပိုင်းတွင် လောင်ကျွမ်းခဲ့သော မီးကြောင့် မီးငြှိမ်းသတ်ရန်ကြိုးစားရင်း ကျဆုံးခဲ့သော မီးသတ်တပ်ဖွဲ့ဝင်များကို ယနေ့(ဒီဇင်ဘာ ၂၉)ညနေတွင် ရေဝေးသုသာန်၌ ဂုဏ်ပြုအခမ်းအနားဖြင့် သင်္ဂြိုဟ်မည်ဖြစ်ကြောင်း သတင်းရရှိသည်။



(မီးကြွင်းမီးကျန်များကို ငြှိမ်းသတ်နေသည့် မီးသတ်တပ်ဖွဲ့ဝင်များ)

မီးလောင်မှုအပြီး စုံစမ်းစစ်ဆေးမှုများအရ မီးလောင်မှုဖြစ်ပွားရခြင်းမှာ သိုလှောင်ပစ္စည်းများ အပူလွန်ကဲခြင်းကြောင့် ဖြစ်ကြောင်း အထူးစုံစမ်းစစ်ဆေးရေးအဖွဲ့မှ တာန်ရှိသူတစ်ဦးကပြောသည်။ “လုံခြုံရေး မီးတစ်လုံးပဲရှိတဲ့နေရာက ၀ါယာရှောခ်မဖြစ်နိုင်ပါဘူး။ ဝါယာရှော့ခ်ဆိုရင် ဖြူးပြတ်ရမယ်။ ကျွန်တော်တို့စစ်ဆေးတွေ့ရှိမှုအရ ဝါယာရှော့ခ်လုံးဝ မဟုတ်ပါဘူး”ဟု မင်္ဂလာတောင်ညွန့် လျှပ်စစ် (၂)မှ လက်ထောက်အင်ဂျင်နီယာ ဦးတင်ထွန်းက သုံးသပ်သည်။ နောက်ဆုံးရရှိသော သတင်းအရ အိမ်ထောင်စု ၁၀၈၀ စု၊ ဆုံးရှုံးမှု တန်ဖိုး သိန်း ၁၁၃၆၊ ပျက်စီးအိမ် ၁၂၄ လုံးရှိကြောင်းသိရသည်။ နေအိမ်များ ပျက်စီးဆုံးရှုံးရခြင်းမှာ မီးလောင်မှုကြောင့် မဟုတ်ဘဲ ပေါက်ကွဲမှုကြောင့်ပျက်စီးဆုံးရှုံးခြင်းဖြစ်ကြောင်းသိရသည်။

Credit: 7Day News Journal

No comments:

Post a Comment