ခရီးသွားမှတ်တမ်းတစ်ခုအနေနဲ့ ဆက်လက်ဖော်ပြမဲ့ အကြောင်းအရာက နေပြည်တော် မြို့တော်သစ်ကြီးရဲ့ ဆာဖာရီ ဥယျာဉ်အကြောင်းပဲ ဖြစ်ပါတယ်ရှင်။ ဖေဖော်ဝါရီလ ၁၂ရက် ပြည်ထောင်စုနေ့ကမှ ဖွင့်လှစ်လိုက်တဲ့ ဆာဖာရီဥယျာဉ်ကြီးထဲမှာ ဘာတွေရှိမလဲလို့ တစေ့တစောင်း လေ့လာ ကြည့်ရှုကြရအောင်လားရှင်။ အောက်မှာတော့ ဥယျာဉ်ကြီးကို ပြုပြင်တည်ဆောက်ထားပုံနဲ့ ဥယျာဉ်ကြီးထဲမှာ ရှိတဲ့ အကောင်တွေကို အတတ်နိုင်ဆုံးတော့ ဓာတ်ပုံရိုက်ခဲ့ပေမဲ့ ကားလမ်းကြောင်းနဲ့ ဝေးတဲ့နေရာ ရောက်နေလို့ မမြင်ခဲ့ရတဲ့ အကောင် တစ်ချို့တလေ ကျန်ခဲ့ပါသေးတယ်။ အားလုံး မစုံလင်တဲ့အတွက်တော့ နားလည်ခွင့်လွှတ်ပေးကြပါနော်။
ကဲ … ဧက ၃၀၀ကျယ်ဝန်းပါတယ်ဆိုတဲ့ နေပြည်တော်ရဲ့ ဆာဖာရီ ဥယျာဉ်ကြီးထဲကို ကျွန်မနဲ့အတူ လျှောက်သွားကြည့်ရအောင်နော်.. ဘာတွေများ ရှိပြီး ဘာတွေများ တွေ့ရမလဲလို့ ပေါ့….
ဆာဖာရီဥယျာဉ်တဲ့
ဒါကတော့ ဆာဖာရီဥယျာဉ်တွင်းသို့ ၀င်မယ်ဆို စစခြင်း ၀င်ရမဲ့ ဂိတ်ဦးဖြစ်ပါတယ်..
ကားပါကင်မှာ ကားထားပြီးတာနဲ့ အထဲကိုရောက်ရင် မြင်ရမဲ့ မြင်ကွင်းတွေကတော့ အောက်က ပုံတွေ အတိုင်း ဖြစ်ပါတယ်။
အထဲကိုရောက်ပြီး ပြင်ဆင်ထားတဲ့ ရှုခင်း
နေရောင်အောက်မှာ
တလူလူလွှင့်နေတာ ဘာအလံတွေလဲ မသိ
ဟိုနားဒီနား လမ်းလျှောက်သွား
ရေပန်းလှလှပပလည်း ရှိလေရဲ့
အနီးကပ်ရိုက်ချက်
အထဲကိုဝင်ရဖို့ စောင့်နေသူများ အတွက် နားနေဆောင်
ကဲလေ အားရပါးရ စောင့်ကြတာပေါ့
ဒီနေရာဟာ ဆာဖရီဥယျာဉ်ရဲ့ အတွင်းထဲကို ၀င်ရောက်ဖို့အတွက် လက်မှတ်ရောင်းချတဲ့နေရာ ဖြစ်သလို ကားလက်မှတ်ဝယ်ဖို့ စောင့်ဆိုင်းနေကြတဲ့ နေရာလည်း ဖြစ်ပါတယ်.. ဥယျာဉ်ကြီးမှာ ကားစုစုပေါင်း လေးစီး ရှိတယ်လို့ ဆိုပါတယ်.. ကားတစ်စီးကို လူ ၂၅ ၂၈ယောက်လောက်သာ စီးခွင့် ရှိပြီး လက်မှတ်တစ်ခါကို ၂၈စောင် (ကားတစ်စီးစာ) စီသာ ရောင်းချပါတယ်.. သူတို့ ဥယျာဉ်က ကားတွေက လွဲလို့ ကိုယ်ပိုင်ကားတွေ ၀င်ရောက်ခွင့်မရှိပါဘူး။ ကျွန်မ ရောက်သွားတဲ့နေ့ဟာ တနင်္ဂနွေနေ့ ရုံးပိတ်ရက် ဖြစ်လို့လားတော့ မသိပါဘူး။ လူ အင်မတန်များသလို လာတဲ့လူနဲ့ ဥယျာဉ်တွင်း လိုက်ပို့တဲ့ကား အစီးရေ မမျှသလို ဖြစ်နေပါတယ်။ ဒါကြောင့် လက်မှတ်ဝယ်ခွင့်ရဖို့ကို ၃နာရီနီးပါး စောင့်ခဲ့ရပါတယ်။ အထဲကို မ၀င်တော့ဘဲ ပြန်တော့မယ်လို့ စိတ်ကူးမိပေမဲ့ ရောက်လာပြီးမှတော့ မ၀င်ရပဲ အရှုံးပေးပြီး ပြန်သွားတာမျိုး မဖြစ်လိုတာကြောင့် စိတ်ရှည်လက်ရှည် စောင့်ခဲ့ရပါတယ်.. စောင့်နေရင်း ရေဆာတာ မအောင့်နိုင် မအီးနိုင် ဖြစ်ရသေး. ဒါတောင် ဒီအချိန်မို့ပေဘဲ. မတ်၊ ဧပြီလ လောက်မှာသာ လာမိရင် မတွေးရဲဘူး။
ဘ၀တူ ဒီက စောင့်နေသူ များ
လက်မှတ်ရောင်းသူကို မမြင်ရလောက်အောင် ၀ိုင်းအုံနေကြလေရဲ့.. ဒါတောင် လူနည်းသွားချိန်ရိုက်ထားတာ
ကားဝါကြီးကိုစီးကာရယ်
ဒါကတော့ ဥယျာဉ်တွင်းသို့ ပို့ဆောင်ပေးတဲ့ကားဖြစ်ပါတယ်.. ကားမှန်တွေကို ခုလို သံဇကာကွက်တွေနဲ့ ကာရံထားပြီး မြင်းကျားလိုလို ကျားသစ်လိုလို ခြယ်ထားပါတယ်.. ဘာကျားလဲတော့ မသိ :) ဒီကားဟာ ကိုယ်စီးရမဲ့ကား မဟုတ်သေးပါဘူး ။ အလှည့်မရောက်သေးပါ။ လက်မှက်တောင် ၀ယ်လို့ မရသေးဘူး။ ဒီတော့ ဆက်စောင့်........
ကျေးဇူးကြီးပါပေတယ်.. ၃နာရီနီးပါးစောင့်ရပြီးချိန်မှာ အထဲဝင်ဖို့ လက်မှတ်ရပါပြီ။
ဥယျာဉ်တွင်းထဲသို့ ၀င်ရောက်ဖို့ဆိုရင် ကားစီးဖို့ လက်မှတ်ခ လူကြီးလက်မှတ် တစ်စောင် ၁၀၀၀၊ ဥယျာဉ်ထဲဝင်ခ ၁၀၀၀ လူတစ်ယောက်ကို ၂၀၀၀ ကျသင့်ပါတယ်.. ကလေးလက်မှတ်ဆို ၅၀၀တဲ့။ ဒီတော့ ၅၀၀ သက်သာလည်း နည်းလားဆိုပြီး “ကျွန်မအတွက် ကလေးလက်မှတ် ၀ယ်ရင် ရမလားလို့ ” လက်မှတ်ရောင်းတဲ့ သူတွေကိုမေးတော့ “အစ်မက သူငယ်ပြန်နေပြီလား” တဲ့ ပြန်ပြောတယ် .. ဟင်းဟင်း ပြောစရာလားနော်.. ခုမှ ၁၆နှစ် ပါဆို။ ၁၆နှစ်က ကလေးမဟုတ်ဘူးလားလို့ :) ပြောင်းပြန်မဖတ်ကြေး ...
ဟော... ဒါ ကိုယ်တွေ စီးရမဲ့ကားတဲ့..
ကဲ .. ဓာတ်ပုံရိုက်လို့လွယ်တဲ့ ပြူတင်းဘေးနား နေရာရအောင် မြန်မြန်တက်ကြစို့
ကားစထွက်ပါပြီ
အကောင်ဗလောင် တိရိစ္ဆာန်တွေပုံကို အောက်မှာ ဆက်လက်ကြည့်ရှုပါရန်..
ကွန်ကရိလမ်းတွေ ခင်းထားပါသေးတယ်.
ဥယျာဉ်တွင်းမှာ အာရှပြကွက်၊ အာဖရိကပြကွက်၊ သြစတေးလျပြကွက်ဆိုပြီး အပိုင်း၃မျိုး ရှိပြီး သု့အပိုင်းနဲ့သူ သူ့ဒေသမှာ ရှိတတ်တဲ့ အကောင်တွေကို ခွဲခြားပြသထားပါတယ်. ဒါပေမဲ့ ကိုယ်တိုင်ကတော့ ဓာတ်ပုံရိုက်ဖို့သာ ပြင်နေရတာနဲ့ ဘယ်အကောင်က ဘယ်ပြကွက်ကရယ်လို့ မမှတ်မိတော့တာကြောင့် အစဉ်လိုက် မဖြစ်ဖို့ များပါတယ်.. ခွင့်လွှတ်ပါ။ တွေ့တဲ့အကောင်ကနေ စပြီး ကြည့်ရှုရအောင်နော်..
ဟိုမှာ စုစု စုစုနဲ့ ဘာလုပ်နေကြတာပါလိမ့်။
မြင်နေရတဲ့ အကောင်တွေက သမင်တွေထင်ရဲ့.. ကိုယ့်ဟာကို မမှတ်မိတော့ဘူး.. မျက်လုံးပြူးပြီးသာ သေချာ ကြည့်သွားကြပါကုန် :)
အကောင်တွေ ရှိတဲ့နေရာရောက်ရင် ကားမောင်းသူက ကားကို ခေတ္တခဏ ရပ်ပေးပါတယ်.. အဲမှာ ဓာတ်ပုံရိုက်လို့ရပါတယ်.. ဒါပေမဲ့ ခပ်လှမ်းလှမ်းရောက်နေရင်တော့ ရိုက်ရတာ ဝေးတဲ့အတွက် ပုံတွေက မထင်မရှားဖြစ်ပါတယ်.. သံဇကာကွက်ကနေ ရိုက်ရတာဖြစ်လို့ ဓာတ်ပုံရိုက်ဖို့ခက်ပါတယ်..
ဒါတော့ သမင်ဆိုတာ သေချာပါတယ်။။
အမောက်လေးထောင်လို့.... အဲ ဟုတ်ပေါင် ချိုကလေးထောင်လို့ အင်းလေ သူလဲ နေပြည်တော်ရောက် သမင်ပေကိုး
ကဲလေ.. နားနားနေနေ နေကြပေါ့
ခြင်္သေ့တွေတဲ့.. သူတို့လဲ နေပူတော် အဲလေ နေပူတော့ အေးအေးလူလူ အရိပ်အောက် နေချင်ရှာပေမပေါ့
အဲ.. သူလာနေပြီ
ပုံစံကိုက ဘာမထီဟန်နဲ့.. အေးလေ သူလဲ နေပြည်တော်ရောက် ခြင်္သေ့ဆိုတော့ မာနကြီးပေမပေါ့ :)
“ဘာမှတ်သလဲ ငါကွ.. ပစ်ထည့်လိုက်ရမလား။” အဲ ဟုတ်ပေါင် ယောင်လို့ “ကိုက်ထည့်လိုက်ရမလား” တဲ့ ကြိမ်းဝါး နေလေရဲ့...
ဥယျာဉ်ကြီးမှာ ခြင်္သေ့၊ သမင်၊ မြင်းကျား၊ ငှက်ကုလားအုတ် စသဖြင့် အကောင်တွေကို ကျယ်ပြန့်တဲ့ ခြံကြီးထဲမှာ ထားရှိပြီး အမျိုးမတူတဲ့ အကောင်တွေကို တစ်ခြံစီ ခွဲခြားထားပါတယ်.. တစ်ခြံနဲ့ တစ်ခြံကိုလည်း ဂိတ်တံခါးများ ထားရှိပြီး တံခါး ၂ထပ် ရှိပါတယ်.. အဲဒီဂိတ်တံခါးတိုင်းမှာ အစောင့်တွေ ရှိပြီး သံဇကာ အထပ်ထပ် ကာရံထားတဲ့ အတွင်းထဲကနေသာ တံခါးဖွင့်ပေးရပါတယ်.. ကားရောက်လာရင် အစောင့်တွေက တံခါးကို ပထမတစ်ထပ်ဖွင့် ပြီးတော့ ဟိုဘက်အကူးအတွက် တစ်ထပ်ပြန်ဖွင့်ပေးရပါတယ်..
ဒီနေရာက တံခါးစောင့်တွေ နေတဲ့နေရာပါ။ ခြင်္သေ့က အစောင့်တွေကို လှည့်ပတ်ခြောင်းနေတယ် ထင်ပါရဲ့။ အစောင့်ကလည်း ကြောက်လို့ဆိုပဲ.. ကြောက်မှာပေါ့လေ သူက ခြင်္သေ့ကိုးးးးးးး
ကားပေါ်မှာ ပါတဲ့ ဥယျာဉ်လုပ်သားတစ်ယောက်က အစာကျွေးဖို့ ခြင်္သေ့ကြီးကို ခေါ်လိုက်တော့ ခြင်္သေ့ကြီးက ရပ်ထားတဲ့ကားဆီ လျှောက်လာပါတယ်..
ပြီးတော့ ကားခေါင်းက လူတွေဆီ ခုလို ရောက်လာပါတော့တယ်
အစောကတော့ မှန်တံခါးကို ဖွင့်ထားပြီး သံဇကာထဲ လက်ထုတ်ပြီး ဓာတ်ပုံရိုက်နေတဲ့ ကျွန်မဟာ ဓာတ်ပုံအမြန်ရိုက်ပြီး မှန်တံခါးကို ကြောက်ကြောက်နဲ့ ဆွဲပိတ်လိုက်ပါတယ်.. တော်ကြာ ခြင်္သေ့က သံဇကာကွက် ကနေ လက်နဲ့ နှိုက်ပြီး မကုတ်ဘူးလို့ ဘယ်သူပြောနိုင်မလဲနော်.. နဂိုက မလှမပ ကိုယ့်မျက်နှာ ခြင်္သေ့လက်သည်းစာမိမှာတော့ အကြောက်သားလေ။ :)
ငှက်ကုလားအုတ်တဲ့လေ
ဒါလည်း ငှက်ကုလားအုတ်
ဒါကတော့ ငယ်ငယ်က သင်ခဲ့ရတဲ့ ဇီးပြား အဲ မှားလို့ ဇီးဘရား ခေါ် မြင်းကျား
သူဘာတွေ စားနေပါလိမ့်..
သမီးက အနံ့ခံကောင်းတယ် ဆိုပဲ..
သူကလည်း ကနွဲ့ကလျနဲ့ပါလား ဂေး မြင်းကျားလားမသိ :)
ကဲဗျာ.. သူက ကျောခိုင်းထားလေတော့ ဘာကောင်မှန်းတောင် မမှတ်မိတော့ဘူး
နွားနောက်ဆိုတာလား မသိဘူး
သံဇကာကြားက ၀ိုးတ၀ါးပေါ့.. ဟုတ်ကဲ့ နွားနောက်ပါတဲ့ သူ့ကိုယ်သူမိတ်ဆက်လေရဲ့...
ဘာကိုမျှော်
လည်ပင်းရှည်အောင် မျှော်တတ်တဲ့ သစ်ကုလားအုတ်တွေပေါ့
သူတို့အနီးတစ်ဝိုက်က စိုက်ထားတဲ့ အပင်တွေကတော့ သူတို့စားတာနဲ့ ကုန်လုနီးနေပြီ.. စားပါ စားပါ ၀အောင်စားကြပါ။
မှန်တံခါးက ၀ိုးတ၀ါးဖြစ်စေခဲ့တယ်.. သူတို့လည်း စားချင်လို့မျှော်နေတာ လည်ပင်းရှည်နေပြီ
ကြံ့ဖြူ ရှိတယ် ဆိုလား.. ဝေးနေတော့ ဘာမှ မမြင်ရပါဘူး။။ မြင်နေရတာလေးဘဲ ဓာတ်ပုံရိုက်လိုက်တယ်..
ဝေးဝေးက လှမ်းမြင်ရတာပါ. နက္ခတာရာ ပြခန်းလို့ပြောတယ် .. ရောက်တော့ မရောက်ခဲ့တော့ဘူး။
ဝင်ရဖို့ စောင့်ရတာ ကြာပေမဲ့ တကယ် လျှောက်ကြည့်ရတော့ အားလုံးပြီးလို့ ၀င်ပေါက်ပြန်ရောက်ဖို့ မိနစ် ၂၀လောက်ဘဲ ကြာပါတယ်.. ဥယျာဉ်ထဲမှာ သားပိုက်ကောင်၊ ဥဒေါင်း စတဲ့အခြားအကောင်တွေ ရှိပါသေးတယ်တဲ့.. ဒါပေမဲ့ ဓာတ်ပုံမရိုက်ဖြစ်ခဲ့ရလို့ ကျန်တဲ့အကောင်တွေကို မဖော်ပြနိုင်တော့ပါဘူး။ ကျားဖြူတို့ပင်ဒါဝက်ဝံတို့ဆိုတာက တိရိစ္ဆာန်ဥယျာဉ်မှာ သီးသန့်ရှိပါတယ်.. ဒီဆာဖာရီ ဥယျာဉ်ထဲမှာ မထားပါဘူး။
ဥယျာဉ်တွင်း စိုက်ပျိုးစ အပင်များ
ဆာဖာရီဆိုတာ တောတွင်းစွန့်စား လှည့်လည်ကြည့်ရှုခြင်း ဖြစ်ပေမဲ့ နေပြည်တော်ကြီးရဲ့ ဆာဖာရီဥယျာဉ်ဟာ အပင်ကြီးတွေ မရှိဘဲ ခြောက်သွေ့နေသေးတာကို တွေ့ရပါတယ် သို့သော်လည်း အပင်တွေ အများအပြား စိုက်ပျိုးထားပြီ ဖြစ်လို့ နောင် နှစ်အနည်းငယ်ကြာရင်တော့ သစ်ပင်တွေ ဝေေ၀ဆာဆာနဲ့ တကယ့်တောတွင်းထဲ လှည့်လှည်ကြည့်ရှုရတဲ့ ခံစားချက်မျိုးကို အမှန်တကယ် ပေးစွမ်းလာနိုင်မယ်လို့တော့ မျှော်လင့်ရပါတယ်.. သစ်ပင်တွေ အမြန်ဆုံးကြီးပါစေလို့ ဆုတောင်း ရမှာပဲလေ။
ဒါဘာကောင်လဲ
ဟုတ်ကဲ့ အပေါ်က မြက်စားနေတဲ့အကောင်က “နေပြည်တော်ကျွဲ ”ပါ.. ဆာဖာရီဥယျာဉ်ကြီးကအပြန် လမ်းဘေးမှာ အေးအေးလူလူ မြက်စားနေတဲ့ ကျွဲကိုတွေ့တော့ ကားမောင်းနေတဲ့သူငယ်ချင်းကို “ကားရပ်ပေးဦး ငါ ဟိုအကောင်ကို ဓာတ်ပုံရိုက်မလို့ ” လို့ပြောလိုက်ပါတယ် ဒီတော့ သူငယ်ချင်းက “ဘာ.. ကျွဲကိုများ ဓာတ်ပုံရိုက်မလို့ဟုတ်လား ” တဲ့ မယုံသလို မေးပါတယ်.. ကျွန်မက “ဟုတ်တယ် တကယ်ရိုက်မလို့” ဆိုပြီး ကင်မရာနဲ့ ဓာတ်ပုံရိုက်ခဲ့တာပါ။ ပြီးတော့ သူငယ်ချင်းကို “မင်းတို့နေပြည်တော်မှာက ထူးထူးဆန်းဆန်းတွေ ရှိတဲ့နေရာဆိုတော့ နေပြည်တော်က ကျွဲကလည်း အထူးအဆန်းဖြစ်နိုင်တယ် ဒီတော့ ငါ ဘလော့ဂ်ပေါ်မှာ နေပြည်တော်ကျွဲ ဆိုပြီး တင်မလို့ ” လို့ ပြောလိုက်တယ်လေ ။ ချစ်သော စာဖတ်သူ မိတ်ဆွေများ နေပြည်တော်က ကျွဲကို မမြင်ဖူးရင် အားပေးသွားကြပါဦးလို့... :)
မှတ်ချက်။ ။ ကင်မရာ ၂ခုနဲ့ ရိုက်လာတဲ့ပုံတွေကို စုပြီး တင်ရတာဖြစ်လို့ ပုံတွေရဲ့ အရောင်တွေက မတူညီဘဲ လင်းလိုက် မှိန်လိုက် ဖြစ်နေပါတယ်.. ဒါကိုလည်း ခွင့်လွှတ်ကြပါရှင်. စိတ်ရှည်လိုက်ရှည် နေရာအနှံ့လိုက်ပို့ပေးသော သူငယ်ချင်းကို ကျေးဇူးအထူးတင်ပါကြောင်းနဲ့ ချစ်သော စာဖတ်သူ မိတ်ဆွေများ၊ မရောက်သေးသူများအတွက် ဒေသန္တရ ဗဟုသုတ အလို့ငှာ မျှဝေခြင်း ဖြစ်ပါကြောင်း.....
လေးစားချစ်ခင်စွာဖြင့်
No comments:
Post a Comment