အကျဉ်းကျခံအမျိုးသမီးများအား အပျိုရည်စစ်ဆေးမှု အီဂျစ်တရားရုံးပိတ်ပင် မတ်လအတွင်းက ကိုင်ရိုမြို့တော်ရှိ တီဟီရာရင်ပြင်တွင် ဆန္ဒပြစဉ် အဖမ်းခံရသော အမျိုးသမီး

နိုင်ငံအတွင်းရှိ အကျဉ်းကျခံရသူ အမျိုးသမီးများကို အပျိုရည် စစ်ဆေးမှု ပြုလုပ်ခြင်းအား အီဂျစ်တရားရုံး တစ်ခုက တားဆီးပိတ်ပင်လိုက်သည်။ မတ်လအတွင်းက ကိုင်ရိုမြို့တော်ရှိ တီဟီရာရင်ပြင်တွင် ဆန္ဒပြစဉ် အဖမ်းခံရသော အမျိုးသမီး အချို့ကို အီဂျစ်ရဲတပ်ဖွဲ့က အဆိုပါ မလျော်မကန် နည်းလမ်းဖြင့် စစ်ဆေးမှုများကို ခံခဲ့ရကြောင်း စွပ်စွဲမှုများ ရှိခဲ့သည်။ နောက်ပိုင်းတွင်လည်း အလားတူ စွပ်စွဲမှုများ ထပ်မံ ထွက်ပေါ်လာပြီးနောက် စစ်ဆေးမှုများ ပြုလုပ်ခဲ့ရခြင်း ဖြစ်သည်။

အသက်(၂၅)နှစ်ရှိ အရောင်းမြှင့်တင်ရေး မန်နေဂျာ တစ်ဦးဖြစ်သော ဆာမီရာ အီဘရာဟင်က သူမသည် အဆိုပါ စစ်ဆေးမှုမျိုး ခံယူရသူများအနက် တစ်ဦးအပါအ၀င်ဖြစ်ကြောင်း ရုံးတော်တွင် ထွက်ဆို တိုင်ကြားခဲ့သည်။ ယခုသီတင်းပတ် အစောပိုင်းတွင် တရားရုံးက ယင်းစစ်ဆေးမှုများကို ပိတ်ပင်တားဆီးကြောင်း အတည်ပြုလိုက်ပြီးနောက် ၀မ်းမြောက်ဝမ်းသာ ဖြစ်နေသည့် ဆာမီရာက “နောက်ဆုံးတော့ တရားမျှတမှုကို ကျွန်မတို့ ရယူနိုင်ခဲ့ပြီ”ဟု သတင်းထောက်များအား ပြောကြားခဲ့သည်။

မတ်လအတွင်းက အီဂျစ် တပ်သားများသည် ထိတ်လန့် ကြောက်ရွံ့နေသော အမျိုးသမီး အကျဉ်းသားများကို ရိုက်နှက်ကာ တစ်ကိုယ်လုံး အ၀တ်အစားများ ချွတ်စေပြီး အပျိုရည် စစ်ဆေးမှုများ ပြုလုပ်ခဲ့ကြောင်း လူ့အခွင့်အရေး အဖွဲ့အစည်းများက အရေးဆိုခဲ့ကြသည်။ ကိုင်ရိုတွင် ယင်းဖြစ်စဉ်အတွက် တိုင်ကြားမှုများ ထွက်ပေါ်လာပြီးနောက် အီဂျစ် လူ့အဖွဲ့အစည်းတွင် တုန်လှုပ်စရာ ရိုက်ခတ်မှုများ ပေါ်ပေါက်လာခဲ့သည်။

အစောပိုင်းက အီဂျစ်စစ်တပ်သည် အဆိုပါ ကိစ္စကို ငြင်းဆိုခဲ့သော်လည်း နောက်ပိုင်းတွင် အမည်ဖော်မပြသည့် ဗိုလ်ချုပ်တစ်ဦးက စွပ်စွဲမှုနှင့် ပတ်သက်ပြီး မှန်ကန်ကြောင်း ၀န်ခံခဲ့သည်။ “ပြောရရင်တော့ အဖမ်းခံထားရတဲ့ မိန်းကလေးတွေဟာ ခင်ဗျားတို့၊ ကျွန်တော်တို့ရဲ့ သမီးတွေလိုတော့ ဆက်ဆံခံခဲ့ရတာ မဟုတ်ပါဘူး”ဟု ယင်းဗိုလ်ချုပ်က ဆိုသည်။

ဆာလ်ဝါ ဟိုဆီနီအမည်ရှိ အမျိုးသမီး တစ်ဦးက သူမသည် အခြားသော မိန်းကလေး အကျဉ်းသူများနှင့်အတူ ဖမ်းဆီးခံထားရစဉ် တစ်ကိုယ်လုံးချွတ်ပြီး စစ်ရဲမေ တစ်ဦးက ကိုင်တွယ်စမ်းသပ်မှုများ ပြုလုပ်သည်ကို ခံခဲ့ရပြီး ထိုအချိန်တွင် စစ်သားများက ၀ိုင်းအုံကြည့်ရှုနေကြောင်း စွပ်စွဲခဲ့သည်။ “စစ်သားတွေက ကျွန်မတို့ကို အရှက်ခွဲခဲ့တယ်။ ယောက်ျားတွေကို ၀ိုင်းကြည့်ခွင့် ပေးခဲ့သလို ဓာတ်ပုံပါ ရိုက်ခွင့်ပေးထားတယ်”ဟု သူမက ဆိုသည်။ ထို့အပြင် စစ်သားများက သူမတို့သာ အပျိုမစစ်ဟု ဖော်ထုတ်တွေ့ရှိပါက ပြည့်တန်ဆာမှုဖြင့် တရားစွဲဆိုမည်ဟု ခြိမ်းခြောက်ခဲ့သေးကြောင်းလည်း အမျိုးသမီးက သတင်းထောက်များအား ပြောကြားသွားသည်။