အာရပ်စော်ဘွားများ ပြည်ထောင်စု နိုင်ငံတွင် ခရစ္စတီယာနို ရော်နယ်လ်ဒိုတစ်ယောက် အပေါင်းအသင်းများနှင့် ပျော်ရွှင်စွာ အပမ်းဖြေလျက် ရှိနေသည်။ လှပချောမောသော ဇနီးလောင်း အီရီနာရှိတ်ခ်ကို နေအိမ်တွင် ချန်ထားခဲ့ပြီးနောက် ပေါ်တူဂီ လက်ရွေးစင် တိုက်စစ်မှူးသည် ဒူဘိုင်းတွင် လင်းပိုင်များနှင့် ဆော့ကစား ပျော်မြူးလျက်ရှိသည်။
(ဒူဘိုင်းရောက် စီရော်နယ်လ်ဒို)
ရီးယဲလ်မက်ဒရစ် အသင်း၏ ပွဲစဉ်များ ရပ်နားထားစဉ်တွင် အသက် (၂၆)နှစ်ရှိ ရော်နယ်လ်ဒိုသည် အပေါင်းအသင်းများနှင့်အတူ ဒူဘိုင်းသို့ ရောက်ရှိနေခြင်းဖြစ်သည်။ ၎င်းသည် ချစ်စရာကောင်းသည့် ရေနေ နို့တိုက်သတ္တ၀ါလေး တစ်ကောင်နှင့် တွဲ၍ ရိုက်ထားသော ဓာတ်ပုံကို အင်တာနက်တွင် လွှင့်တင်ခဲ့သေးသည်။
ရော်နယ်လ်ဒိုက “ဒီနေ့ လင်းပိုင်တွေနဲ့ ရေကူးဖြစ်တာ တကယ့် အတွေ့အကြုံကောင်းပါပဲ။ အရမ်း အံ့ဩဖို့ကောင်းတယ်။ သူတို့ဟာ လူတွေနဲ့ သိပ်အကျွမ်းဝင်လွယ်တာပဲ”ဟုလည်း ရေးသားခဲ့သေးသည်။
(စီရော်နယ်လ်ဒိုနှင့် အီရီနာရှိတ်ခ်)
ရော်နယ်လ်ဒိုသည် ဒူဘိုင်းတွင် ရှိနေစဉ် ဥာဏ်ရည်မမီသူများအား ပြုစုစောင့်ရှောက်ပေးနေသည့် ဂေဟာတစ်ခုသို့ သွားရောက်ကာ ပရိသတ်များအား သွားရောက်တွေ့ဆုံခဲ့သည်။ ထို့အပြင် ဘောလုံးများ၊ တီရှပ်များတွင်လည်း လက်မှတ်ထိုးပေးကာ ကလေးငယ်များနှင့် ရင်းရင်းနှီးနှီး ပြောဆိုအားပေးနေခဲ့သည်။ ၎င်းသည် အင်တာနက်မှတစ်ဆင့် ပရိသတ်များကို ခရစ္စမတ်နေ့ကလည်း ခရစ္စမတ် နှုတ်ခွန်းဆက်စာလွှာ ပေးပို့ခဲ့သေးကြောင်း သိရှိရသည်။
Source: DailyMail
No comments:
Post a Comment